పార్ట్ II
11. పల్లెటూరి పిల్లగాడా! - పార్ట్ - II
పద్యాలు
పెందలాడ అమ్మనీకు
పెట్టలేదా సద్దికూడు
ఆకలిగొని అడలుచున్నావా ఓ పాలబుగ్గల జీతగాడ
అడవి తిరిగి అలిసి పోయావా
సారాంశం: పొద్దున్న అమ్మ నీకు సద్ది అన్నం పెట్టలేదా? అడవిలో తిరిగి తిరిగి ఆకలితో అలసిపోయావా?
ఆకుతేళ్లు కందిరీగలు
అడవిలో గల కీటకాదులు
నీకేమైన కాటువేశాయా ఓ పాలబుగ్గల జీతగాడ
నిజాము దాచక నాతో చెప్పేవా
సారాంశం: అడవిలో ఆకుతినే పురుగులో, కందిరీగలో లేదా ఇతర కీటకాలో నిన్నేమైనా కుట్టాయా? నిజమెంతో నాకు చెప్పవా?
మాయదారి ఆవుదూడలు
మాటిమాటికి కంచె దుంకీ
పంట చేలూ పాడు చేశాయా ఓ పాలబుగ్గల జీతగాడ
పాలికాపు నిన్నే కొట్టాడా
సారాంశం: మాయదారి ఆవుదూడలు మాటిమాటికి కంచెపై నుండి దూకి వేరే వాళ్ళ పంటపొలాలను పాడుచేశాయా? అది చుసిన ఆ కావాలిమనిషి నిన్ను కొట్టాడా?
నీకు జీతం నెలకు కుంచం
తాలు వరిపిడి కల్తిగాసం
కొలువుగా సేరు తక్కువ వచ్చిందా ఓ పాలబుగ్గల జీతగాడ
తలుచుకుంటే దుఃఖ మొచ్చిందా
సారాంశం: నీకు నెల జీతం కుంచెడు వడ్లు. నీకు కొలిచిన జీతం వడ్లలో తాళువడ్లు, పొట్టు, కల్తీవడ్లు ఉన్నాయా? అవి కొలిస్తే సేరు తక్కువగా ఉన్నాయా? అది తలుచుకుని ఏడుస్తున్నావా?
పాఠశాల ముందుచేరి
తోటి బాలుర తొంగి చూసి
ఏటికోయీ వెలవెల బోతావు ఓ పాలబుగ్గల జీతగాడ
వెలుగులేని జీవితమంటావా
సారాంశం: బడి ముందర నిలబడి, బడిలో చదివే నీ ఈడుపిల్లలను చూసి, ముఖాన్ని ముడుచుకున్నావు. బడికి పోలేని నీ బతుకును తలుచుకుంటూ ఏడుస్తున్నావా? జీవితంలో వెలుగు లేదని భాదపడుతున్నావా?
0 Doubts's